مجھے دنیا میں جو بھیجا گیا ہے
ِمِلی کس جرم کی جانے سزا ہے
مِرے عزم و یقیں کی روشنی سے
چراغِ ظلمتاں گبھرا گیا ہے
سِیئے ہیں ہونٹ کِس نے تتلیوں کے
گلوں سے پتّا پتّا پوچھتا ہے
چراغِ فکر کو جس نے بُجھایا
وہی دانش کدے کا دیوتا ہے
درِ دیوانگی کو بند کر کے
جنوں کو مل گیا پھر حوصلہ ہے
بچا کر نفرتوں کی ظلمتوں سے
محبت کا دِیا رکھّا ہوا ہے
تمہاری بے رُخی کی آندھیوں سے
ہر اک جھونکا ترحّم مانگتا ہے
سُنا ہے درد کی سن کر حکایت
مِرا دِل مُجھ سے ملنے آ گیا ہے
اندھیری رات نے کیا صُور پھونکا
اُجالا ہر کِرن سے جھانکتا ہے
***************