|
* Har baat yahaa.N baat ba.Dhaane ke liye hai *
Har baat yahaa.N baat ba.Dhaane ke liye hai,
ye umr jo dhokaa hai to khaane ke liye hai,
ye daaman-e-hasarat hai vahii Khvaab-e-gurezaa.N,
jo apane liye hai na zamaane ke liye hai,
[gurezaa.N = fleeing]
utare hue chehare me.n shikaayat hai kisii kii,
ruuThii hu_ii rangat hai manaane ke liye hai,
Ghaafil terii aa.Nkho.n kaa muqaddar hai andheraa,
ye farsh to raaho.n me.n bichhaane ke liye hai,
[Ghaafil = careless]
ghabaraa na sitam se na karam se na adaa se,
har mo.D yahaa.N raah dikhaane ke liye hai.
|
|