* Hazar ghum the meri zindgi akeli thi *
Hazar ghum the meri zindgi akeli thi
Khushi jahan ki mere waste paheli thi
wo aj bach ke nikalte hain mere saye se
ki main ne jin ke liye ghum ki dhoop jheli thi
juda hui na kabhi mujh se gardish-e-daura
meri hayat ki bachpan se ye saheli thi
charha rahe hain wo hi aj astin mujh par
ki jin ki piTh pe kal tak meri hatheli thi
ab un ki qabr pe jalta nahi diya koi
ki jin ki dahar main roshan bahut haweli thi
wo jhuk ke phir meri turbat pe kar rahe hain salam
isi ada ne to "Mahir" ki jan le li thi |