نعت

سلطانِ گفتگو ہے صل علیٰ محمدؐ
دل جس سے باوضو ہے صل علیٰ محمدؐ

تسبیحِ کبریا تو وردِ ملائکہ بھی
مومن کی آبرو ہے صل علیٰ محمدؐ

عرفان و آگہی کے کیف و سرور جس میں
وہ ساغر و سبو ہے صل علیٰ محمدؐ

کیا غم اُسے ستائے دنیا و آخرت کا
پڑھ کر جو سرخرو ہے صل علیٰ محمدؐ

روشن ہے زندگی کا جس سے ہر ایک گوشہ
مینارۂ علو ہے صل علیٰ محمدؐ

وہ روبرو ہو میرے اظہارِ عاشقی ہو
کیا نیک آرزو ہے صل علیٰ محمدؐ

ہاں! گلشنِ وفا میں میرا سفر ہے راہیؔ
توقیرِ رنگ و بو ہے صل علیٰ محمدؐ

محمود راہی

9, West Row (P. C. Market) Kolkata-700017
Mob: 9007360378/8013089170
بشکریہ ’’صل علیٰ محمد‘‘ 	مرتب: مشتاق دربھنگوی
……………………………