* us ko main deg likhoon ya ki pateela likkhoon *
us ko main deg likhoon ya ki pateela likkhoon
saas kahti hai ki biwi ka qaseedah likkhoon
bhai hai laila ka wo, main bhi to kuch lagta hoon
sochta hoon ki use piyaar se sala likkhoon
aankh se kani hai phir bhi hai wo rani meri
us ko hema main likhoon ya k karina likkhoon
leke bhaga hai wo mahbooba ko meri yaro
ab batao use kis moonh se chachcha likkhoon
baat apne pe hi aajati hai donon surat
ulloo likkhoon ya use ullu ka pattha likkhoon
wada karke wo kabhi milne nahin aata hai
us ko insaan likhoon ya koi neta likkhoon
baad muddat ke jo begum ka howa hai jana
mujh se hota nahin phir se use aana likkhoon
chautha shauhar hoon main uska aur halat ye hai
mujh se wo kahti hai main usko sharifa likkhoon
is qadar dubli si patli si meri biwi hai
us ko main seenkh likhoon ya ki pasanda likkhoon
************** |