مجاز جے پوری 
 
خلا و سمت نہ تھے فرق ہست و بود نہ تھا
مرے وجود سے پہلے کوئی وجود نہ تھا
ضیائے صبح بھی کل اتنی زرد زرد نہ تھی
سوادِ شام بھی اتنا تو دود دود نہ تھا
فریبِ خوردۂ باغِ بہشت ہوں ورنہ
مرا مذاق تو شرمندۂ قیود نہ تھا
ترے حضور گنہگار بن گیا کیسے
بتا کہاں تھا جو میں شامل شہود نہ تھا
کیا ہے مجھ کو بہت بد گمان غربت نے
وطن میں تھا تو کبھی منکرِ درود نہ تھا
طلب مجاز کی تجھ کو ہی کچھ رہی ہوگی
خطا معاف ، مجھے تو غمِ نمود نہ تھا

92/81, Patel Marg,  Mansarovar,
Jaipur-302020 (Rajasthan)