Ham ko junun kya sikhalate ho ham the pareshan tumase ziyada 
chak kiye hain hamane azizon char gareban tumase ziyada

Chak-e-jigar muhataj-e-rafu hai aj to daman sirf lahu hai 
ek mausam tha ham ko raha hai shauq-e-baharan tumase ziyada

Jao tum apani bam ki Khatir sari laven shamon ki katar lo 
zakhmon ke mahar-o-mah salamat jashn-e-chiragan tumase ziyada

Ham bhi hamesha qatl hue and tum ne bhi dekha dur se lekin 
ye na samajhe hamako hua hai jan ka nukasan tumase ziyada

Zanjir-o-divar hi dekhi tumane to "Majrooh" magar ham 
kucha-kucha dekh rahe hain alanm-e-zindan tumase ziyada