* Phir chhiRii raat baat phooloN kii *
Phir chhiRii raat baat phooloN kii
raat hai yaa baraat phooloN kii .
phool ke haar phool ke gajre
shaam phooloN kii raat phooloN kii.
aap kaa saath saath phooloN kaa
aap kii baat baat phooloN kii.
phool khilte raheNge duniya meiN
roz nikalegii baat phooloN kii.
nazareN miltii haiN jaam milte haiN
mil rahii hai hayaat phooloN kii.
ye mehakatii huyi ghazal 'Makhdoom'
jaise sehraa meiN raat phooloN kii. |