* yaheen kee thee muhabbat ke sabaq ki ibteda meine *
yaheen kee thee muhabbat ke sabaq ki ibteda meine
yaheen kee jurrat-e-izhar-e-harfe-mudduaa meine
yaheen dekhe they ishw-e-nazon andaaz-e-haya meine
yaheen pahle sunee thee dil dharkane ki sadaa meine
yaheen kheton mein paanee ke kinaare yaad hain ab bhee
dilon mein izdaham-e-aarzoo lab band rahate they
nazar se guftugoo hotee thee dum ulfat ka bharate they
na mathey par shikan hotee, na jab tevar badalate they
khudaa bhee muskuraa detaa thaa jab hum pyar karate they
yahin kheton mein paanee ke kinaare yaad hain ab bhee
voh kyaa aataa ke goya daur mein jaam-e-sharaab aataa
voh kyaa aataa rangeelee raagani rangeen rabaab aataa
mujhe rangeeniyon mein rangane voh rangeen sahaab aataa
labon kee maiy pilaane jhoomataa mast-e-shabaab aataa
yahin kheton mein paanee ke kinaare yaad hain ab bhee
hayaa ke bojh se jab har qadam par laghzishein hoteen
fazaan mein muntasar rangeen badan kee larzishein hoteen
Rabaab-e-dil ke taron mein musalsil jumbishein hoteen
khifa-e-raaz kee pur-lutf baham koshishein hoteen
yahin kheton mein paanee ke kinare yaad hain ab bhee
bah jate they baithe ishq ke zarree safiney mein
tamannaon ka tufaan karawatein letaa thaa seene mein
jo chhoo letaa thaa main usko voh nahaa jaataa paseene mein
maiy-e-do-aatisha ke se mazey aate they jeene mein
yahin kheton mein paanee ke kinare yaad hain ab bhee
balaa-e-fikr-e- farda ham se koson door hotee thee
suroor-e-sarmdee se zindagee maamoor hotee thee
hamaaree khilvat-e-masoom rashk-e-toor hotee thee
malik jhoolaa jhoolate they ghazal-khwaan hoor hotee thee
yahin kheton mein paanee ke kinare yaad hain ab bhee
na ab voh khet baaqee hain na voh aab-e-rawaan baaqee
magar us aish-e-raftaa ka hai ik dhundhlaa nishaan baaqee
|