Be lafz si ik zabaa'n me'n gum
Matlab thaa mera bayaan me'n gum

Kis simt yeh le urhe'n hawaye'n
Kishti hooyee badbaan me'n gum

Sadiyo'n ke nisha'n kabhi kabhi to
 Ho jaate hai'n aik aan me'n gum

Tanha tanha sabhi parinde
Apni apni urhaan me'n gum

Ham apne haal me'n magan thhe
Woh apni hi aan baan me'n gum

Paye gaye har jaha'n me'n "Makhmoor"
Ham aur hi ik jaha'n me'n gum

C-3/143-J, Krishna Kunj, Laxmi Nagar, Delhi-110092