Jaha'n mai'n jayoo'n hawa ka yahi ishara ho,
koi nahi jo yaha'n muntzir tumhara ho,,,
meri bujhti hoi aankho'n ko roshani baKhshe
wo phool jo tere chehre ka ista`ara ho,
chala hoo'n apni hi awaz-e-baz_gasht pe yu'n,
kisi ne door se jaise mujhe pukara ho,
ganwa chuke kai umree umeed_war tere,
kaha'n tak aur teri beruKhi gawara ho,
tu pas aate huye mujh se door ho jaye,
ajab nahi ki yahi hadsa dobara ho,
nazar farebi-e-rang-e-chaman se bach `Makhmoor`,
jise tu phool samjh le kahi'n sharara ho.