andhero'n se mira rishta bahut hai
mai jugnu hoo'n,mujhe dikhta bahut hai

watan se tum kabhi hijrat na karna
muhajir aankh me chubhta bahut hai

kisi mausam ki fitrat jan ney ko
shajar ka aek hi patta bahut hai

khushi se uski tum dhoka na khana
pareshani me wo hansta bahut hai

marasim ka pata deti hai'n aankhei'n
zuba'n se wo kaha'n khulta bahut hai

miya'n us shaqs se hushiyar rehna
sabhi se jhuk ke jo milta bahut hai