* apni taqdeer gar sanwar jaie *
apni taqdeer gar sanwar jaie
zindgi ishq me guzar jaie
bah gaya hai guroor basti ka
kah do darya se ab utar jaie
itni mayoosiya'n nahi achhi'n
doobney wala kab ubhar jaie?
toot kar wo mire badan pe kabhi
motiyo'n ki tarah bikhar jaie
aaj mausam me khoob shiddat hai
wo safar me kahi'n taher jaie
be-yakeeni pe munhasir hai sab
jis taraf bhi miri nazar jaie
*********** |