* chai ke har ghoont ne taza kiya *
chai ke har ghoont ne taza kiya
hum pe tarii thi thakan,achha kiya.
aasmano'n se utarte harf sab
jood kar lafzo'n ko kyo'n misra kiya.
har koi tha hasidan e ilm o fun
sab ne mere fikr ko ruswa kiya.
apne chehrey par kharashei'n dal kar
kis ne kis ko, aaj sharminda kiya.
hauslo'n ki ungliyo'n ko tham kar
hum ne ek ek fard ko zinda kiya.
jhurriyo'n ke peeche tha ek navjawa'n
us ne mere simt jab chehra kiya.
tohmato'n ko thop kar javed par
us ne apne qad ko phir o'oncha kiya.
******* |