* dhoop me shamiyane hote hai'n *
dhoop me shamiyane hote hai'n
achhe ganne, purane hote hai'n.
aek kamre ke ghar me reh ke daikh
bachhe jaldi siyane hote hai'n.
aamad e fasl e gul se kuch pehle
sookhe pattey jalane hote hai'n.
tum abhi aek hi me uljhe ho
tohmat'on ke gharane hote hain.
koi ummed phir kahi'n chamki
roshni ke bahane hote hain.
phool honto'n pe yu'n nahi khilte
sab se rishte banane hote hai'n.
******** |