* Shamsher hai sanaan hai barqi ki baaz gasht *
Shamsher hai sanaan hai barqi ki baaz gasht
Ik daor ik jahaan hai barqi ki baaz gasht
Nasreen hai gulaab hai saosan hai chaandni
Kooye butaaN ki jaan hai barqi ki baaz gasht
Hikmat ka zaaichah hai ma”aarif hai falsafah
ghazloN ka martabaan hai barqi ki baaz gasht
aiyaam e saalefah ki ameeN hai naqeeb hai
purkhoN ka saaibaan hai barqi ki baaz gasht
ilmee nigaareshaat ka toofaan e bekaraaN
meethe suroN ki taan hai barqi ki baaz gasht
pur lutf o pur tarb hai mahaasin hai sar khushi
gulrez hai jawaan hai barqi ki baaz gasht
idrak hai jonoN hai saleeqah hai naghmagi
taoqeer e buzrugaan hai barqi ki baaz gasht
jis se shikaar hote hain mafhoom ke ghazaal
laa raib woh kamaan hai barqi ki baaz gasht
harfoN ka aabshaar hai lafzoN ka kaarwaaN
ik asp e betakaan hai barqi ki baaz gasht
sehr al bayaan hai kahiN sehr al lesaan hai
ulfat bharee zabaan hai barqi ki baaz gasht
apne noqaat e harf ki nuktah sanaash hai
be micl hai mahaan hai barqi ki baaz gasht
r”anaayi hai soroor hai ekhlaas. naghmagi
Hassaasa kah . jinaan hai barqi ki baaz gasht
************* |