* Ma’soom lab hazaar khodaaoN se dar gaye *
Ma’soom lab hazaar khodaaoN se dar gaye
Alfaaz be basee me sadaaoN se dar gaye
Tahzeeb e nao se ho gayaa u’ryaaN mezaaj e yaar
Sooraj huwaa buland sho’aaoN se dar gaye
Ma’soom khowaahisheN thiN machal kar ke rah gayeeN
Zehni tasauwuraat ki chhaaoN se dar gaye
tanhaaiyoN ko amn ka zaamin smajh liyaa
yaaroN ki be misaal jafaaoN se dar gaye
who bahr e bekaraaN me rahe ghotah zan ajab
ham they ki aaNchaloN ki hawaaoN se dar gaye
go ham haiN apni zaat me ik mustanad kitaab
sinf e ghazal ki taNg fezaaoN se dar gaye
ta’meer e gulsitaaN ne liya is qadar kheraaj
hassaas o dil fareb sadaaoN se dar gaye
**************** |