Ham ko kisake Gham ne maaraa ye kahaanii phir sahii
kisane todaa dil hamaaraa ye kahaanii phir sahii

dil ke lutane kaa sabab puuchho na sab ke saamane 
naam aayegaa tumhaaraa ye kahaanii phir sahii

nafaraton ke tiir khaa kar dosto’n ke shahar me’n 
ham ne kis kis ko pukaaraa ye kahaanii phir sahii

kyaa bataayen pyaar kii baazii vafaa kii raah me’n 
kaun jiitaa kaun haaraa ye kahaanii phir sahii