Jite-ji kucha-e-dildar se jaya na gaya,
us ki diwar ka sar se mere saya na gaya,

dil ke tain atish-e-hijra'n se bachaya na gaya,
ghar jala samne par ham se bujhaya na gaya,

kya tunak hausala the dida-o-dil apne ah,
ek dam raz mohabbat ka chupaya na gaya,

dil jo didar ka qayel ki bahot bhuka tha,
is sitam-kushta se yak zakhm bhi khaya na gaya,

shahar-e-dil ah ajab jaye thi par usk gaye,
aisa ujra ke kisi tarah basaya na gaya.