Tamaashaa hai sab kuchh, magar kuchh nahin
Siwaae fareb e nazar kuchh nahin

Zamaanaa hai ye raqs e zarraat kaa 
Hikaayaat e shams o qamar kuchh nahin

Sitaaron se aage meri manzilen
Balaa se agar baal o par kuchh nahin

Muhabbat ki ye mahviyat, kyaa kahoon
Woh aae to apni khabar kuchh nahin

Mera shauq e manzil hai shaabat qadam 
Koii rahzan o raahbar kuchh nahin

Muhabbat hai insaan ki aabroo
Baghair e muhabbat bashar kuchh nahin

Zia to mareez e gham e ishq hai 
Ilaaz is kaa ae chaaraagar kuchh nahin 

With thanks : Ravinder Kumar Sony