* Keya bataauo'n sabab udaasi ka *
Keya bataauo'n sabab udaasi ka
Karb jhela hai na shanasi ka
Khud ko dohra rahi hai phir tareekh
Daur aaya hai be lebaasi ka
Aaj har shakhs ki zabaa'n par hai
Tazkera apni be asasi ka
Rah ke kuchh din teri refaqat me'n
Ilm sikha ada shanasi ka
Husn ki aalami nomaish me'n
Kaam keya hoga dewdasi ka
Kis zabaa'n se baya'n karoo'n "Mehdi"
Karb keya kuchh hai khud shanasi ka
28, School Ward, Pratapgarh-230001 (U.P)
|