Aag puurii kahaa.N bujhii hai abhii,
diidaa-e-tar me.n tishnagii hai abhii,

[diidaa-e-tar = wet eyes]
[tishnagii = thirst]

dosto.n se chukaa rahaa huu.N hisaab,
dushmano.n se kahaa.N Thanii hai abhii,

dost kah kar mujhe na de gaalii,
dil pe ik zaKhm-e-dostii hai abhii,

kaaT de ye bhii Khud_parastii me.n,
aur tho.Dii sii zindagii hai abhii,

[Khud_parastii = egoistic]

jaane kyo.n kund ho gayaa nashtar,
zaKhm kii dhaar to vahii hai abhii.

[kund =ineffectual; nashtar = knife]