* دلدار اس کو خواہ دل آزار کچھ کہو *
غزل
٭………مرزا محمد رفیع سودؔا
دلدار اس کو خواہ دل آزار کچھ کہو
سنتا نہیں کسی کی مرا یار، کچھ کہو
غمزہ، ادا نگاہ، تبسم ہے دل کا مول
تم بھی اگر ہو اس کے خریدار کچھ کہو
شیریں نے کوہکن سے منگائی تھی جوئے شیر
گر امتحاں ہے اس سے بھی دشوار کچھ کہو
ہر آن آ مجھی کو ستاتے ہو ناصحو
سمجھا کے تم اسے بھی تو یک بار کچھ کہو
اے ساکنانِ کنج قفس! صبح کو صبا
سنتے ہیں جائے گی سوئے گلزار، کچھ کہو
عالم کی گفتگو سے تو آتی ہے بوئے خوں
بندہ ہے یک نگہہ کا گنہگار کچھ کہو
|