غزل

٭……مرزا محمد رفیع سودؔ

بدلا تیرے ستم کا کوئی تجھ سے کیا کرے
اپنا ہی تو فریفتہ ہووے خدا کرے
قاتل ہماری نعش کو تشہیر ہے ضرور
آئندہ تا کوئی نہ کسی سے وفا کرے
فکرِ معاش، عشقِ بتاں، یادِ رفتگاں
دو دن کی زندگی میں اب کوئی کیا کرے
عالم کے بیچ پھر نہ رہے رسمِ عاشقی
گر نیم لب کوئی ترے شکوے سے واکرے
گر ہو شراب و خلوت محبوب خوب رو
زاہد قسم ہے تجھ کو جو تو ہو تو کیا کرے
خاکسترِ پتنگ و مشہد مرے کی خاک
شام و شفق عجب ہو جو مل کر اڑا کرے
اے وائے بر اسیر کہ پر توڑ کر جسے
صیاد فصلِ گل میں چمن سے رہا کرے
*****