غزل
٭……مرزا محمد رفیع سودؔ

گل پھینکے ہیں اوروں کی طرف بلکہ ثمر بھی
اے خانہ بر اندازِ چمن کچھ تو اِدھر بھی
کیا ضد ہے خدا جانے مرے ساتھ وگرنہ
کافی ہے تسلّی کو مری ایک نظر بھی
اے ابر قسم ہے تجھے رونے کی ہمارے
تجھ چشم سے ٹپکا ہے کبھو لخت جگر بھی
اے نالہ صد افسوس جواں مردی پہ تیرے
پایا نہ تنکِ دیکھنے میں روئے اثر بھی
کس ہستیٔ موہوم پہ نازاں ہے تو اے یار
کچھ اپنے شب و روز کی ہے تجھ کو بھی
تنہا تیرے ماتم میں نہیں شام سیہ پوش
رہتا ہے سدا چاک گریبان سحر بھی
سوداؔ تیری فریاد سے آنکھو ں میں کٹی رات
آئی ہے سحر ہونے کو ٹُک تو کہیں مر بھی
*****