Dil mat Tapak nazar se ki paayaa na jaayegaa,
jyo.n ashk phir zamii.n se uThaayaa na jaayegaa,
ruKhsat hai baaGhbaa.N ki Tuk ek dekh le chaman ,
jaate hai.n vaa.N jahaa.N se phir aayaa na jaayegaa,
teG-e-jafaa-e-yaar se dil sar na pheriyo ,
phir muu.Nh vafaa ko ham se dikhayaa na jaayegaa,
daaman-e-daaGh-e-teGh jo dhoyaa to kyaa huaa ,
aalamke dil se daaG haTaayaa na jaayegaa,
kaabaa agarche TuuTaa to kyaa jaa-e-Gham hai shaiKh ,
kuchh qasr-e-dil nahii.n ki banaayaa na jaayegaa,
zaalim mai.n kah rahaa thaa ki tuu is Khuu.N se dar guzar ,
"Sauda" kaa qatl hai ye chhupaayaa na jaayegaa