Marne ki duaye'n kyuN mangoo jine ki tamana kaun kare, 
ye dunya ho ya wo dunya ab Khwahish-e-duniya kaun kare,

jo aag lagai thi tum ne us ko to bujhaya ashko'n ne, 
jo ashko'n ke bharkai hai us aag ko Thanda kaun kare,

jab kashti sabit-o-salib thi sahil ki tamana kisko thi ,
ab aisi shikasta kashti mai'n sahil ki tamana kaun kare,

dunya ne humai'n chhora ai dil hum chhor na de kyo'n duniya ko, 
dunya ko samjh kar baiThe hai'n ab dunya dunya kaun kare.