Zindagi beqarar bhi to nahi,
ab tera intezar bhi to nahi,

tark e ehd e vafa azab sahi,
dil magar sharamsar bhi to nahi,

kis pe afshan hun yeh wehshatain apni,
pairhann taar taar bhi to nahi,

sarfarazi pe kon naz karey ?
surkhuro shaakh e dar bhi to nahi,

qafila kis taraf geya hoga ?
rehguzer mein gubar bhi to nahi,

rahatain kis hisab mein likhie ?
ranjishon ka shumar bhi to nahi

jantey hain voh bevafa hai magar
dil pe ab ikhtayar bhi to nahi

rang e aks e khazan bhi kia lena ?
sar pe karz e bahar bhi to nahi

dil se rodad e gum kahon kesey ?
dil mera razdar bhi to nahi,