Mil geya tha to usey khud se khafa rakhna tha,
dil ko kuch dair to masroof e dua rakhna tha,

main na kehta tha ke saanpon se attey hein raastey,
ghar se nikley they to haathon mein aasa rakhnatha,

baat jab tark e tualuq pe hi thehri thi to phir,
dil mein ehsaas e ghum e yaar b kia rakhna tha,

daman e moj e hava yun to na khaali jata,
ghar ki dehleez pe koi to dia rakhna tha,

kia khabar us ke taqub mein hon kitni sochain ?
apna andaz to auron se juda rakhna tha,

chandni bund kuvarron mein kahan utrey gi ?
ik dareecha to bharey ghar mein khula rakhna tha,

uski khushbu se sajana tha jo dil ko 'Mohsin',
uski sanson ka laqab moj e saba rakhna tha.