* Jhoot de deta hai khud apni shahadat kaisi! *
Jhoot de deta hai khud apni shahadat kaisi!
Ho'nt hilte hai'n to urh jaati hai rangat kaisi
Kaam banne nahi'n paata ke bigarh jaata hai
Aa tapkti hai yeh har kaam me'n ujlat kaisi
Be sakuni hi miya'n hai dil wahshi ka elaaj
Mutmain hoo'n to bigarh jaati hai halat kaisi!
Sukhne garam ko hai sozishe dil bhi darkar
Sher kahna hai to phir us me'n sahoolat kaisi
Yeh chiragh aur woh saamane safar rakkha hai
Jis ko jaana hai chala jaaye , ijazat kaisi
Tum ke thhe khattae gunjaan ke baasi "Mukthar"
Raas aayee tumhei'n sahra ki sokunat kaisi
P.O.Box No.8755,
Jeddah-21492 (Saudi Arabia)
|