Mere ataraf ka be ant sannata mera dil hai,
Aur ander bhi jo berpa hai who hungamah mera dil hai,
Hua tha jo kisi pal ki tuilismi dastan mein ghum,
Usi khoi huai ek shakhsh ka qissa mera dil hai,
Vahi mahmil ye dunia kih laila jis mein ja baithi,
Hua jo qais ka ,maskan wahi sahra mera dil hai ,
Main kab se mahv-e-dunia tha magar ek din mujhe khud per,
Kiya munkashif jisne woh aaeena mera dil hai
Ufuq per jis ke her lamha nya sooraj chamakta hai,
Kisi ki yaad se raushan woh ek khittah mera dil hai,
Khula hai ishq mein jiske jahn ka zair-o-bam mujh par,
Usi ke zikkr ka vajad aafrien naghmah mera dil hai.