|
* Saamne Khanjar rakh kar dekheN *
Saamne Khanjar rakh kar dekheN,
dil hai phuul ke patthar dekheN,
aik jaziiraa ho aur ham tum,
chaaroN ore samandar dekheN,
ab kyaa naam kii zebaaish hai,
har ghar kii taKhtii par dekheN,
(zebaaish : adornment)
dam-Kham hai aandhii meN kitnaa,
aao diip jalaa kar dekheN,
aag hai donoN kii aaNkhoN meN,
jaltaa hai kis kaa ghar dekheN,
saamne manzar hii aate haiN,
aap “Asar” pas-e-manzar dekheN,
|
|