* HAM NE US KE DAR SE TOHFE PAAE KYA KYA BEMISAAL *
HAM NE US KE DAR SE TOHFE PAAE KYA KYA BEMISAAL
BEKARAAN RAATEN HAIN PAAIN DARD PAAYA LAAZAWAAL
BAARAHA YUN MAAT KHAAI HAI BISAAT E ZEEST PAR
HAM SAMAJH PAAE KAHAN YE WAQT KI POSHIDA CHAAL
RAKH DIYA US NE MASAL KE DIL KA IK IK ZAAVIYAA
RAAT US BEDARD SE HAM NE KIYA THA IK SAWAAL
JAANE KIN RAAHON SE HO KAR GUZRA THA YE QAAFILAA
HAI SHIKASTA HAR TAMANNA AAJ ZAKHMEE HAI KHAYAAL
HAM NE BADH KE JAAN SE MEHFOOZ RAKHA THA TO PHIR
ISHQ KE IS AAINE MEN AA GAYA KAISE YE BAAL
SAAMNE HAI PAI BA PAI BARBAADIYON KA SILSILA
JAANE KYA ANJAAM HOGA AARZOO KA AB KE SAAL
HAUSLA HAI TO TUJHE KYA ROK PAAEGI YE HAAR
OONCHI KAR PARWAAZ THODI AAJ ZAKHMEE PAR SAMBHAAL
KAB SE HAI BEENAAI KO US EK JALWE KI TALAB
DEED KI MUMTAZ US KI KOI TO SOORAT NIKAAL
****************** |