جلوہ  تھا  کے  اک  طور   درخشاں  تھا  عیاں
نظروں  کو  سمبھالیں  یہ  رہا  ہوش  کہاں 
 
حسرت  نہ  کوئی  خواب  نہ  اب  درد  نہاں 
باقی  نہ رہا   زیست  کا  کوئی  امکاں
 
 
اس  راہ  سے  گزری  تھی  وہ  ضو بار  کرن
  ہر  نقش   کف  پا  ہے  ابھی  تک  تاباں
 
الفت  کا  گزر  دل  کے  سیہخانے  سے 
یہ  زیست  کی  راہوں  میں  تجلی  کا  گماں
 
بھیگی  ہوئی  رہتی  ہے  سدا  دل  کی  زمیں
بارش  سے  دھلا  کرتا  ہے  ہر  داغ  یہاں 
 
خورشید  کی  کرنوں  نے  چھوا  بڑھ  کے  ذرا 
بکھری  ہے  سمندر  کی  سطح   پر  افشاں 
 
ماضی  کے  دریچوں  سے  جو  دیکھا  ہم  نے 
ہر  سمت  تباہی  کے  نظر  آے نشاں
 
اٹھتا  ہے  عجب  درد  دل   بسمل  میں
ہر  وقت  کھٹکتا  ہے  تیرا  تیر   نہاں 
 
'ممتاز ' تباہی  کا  گلا  کیا  کرتے
فریاد  کی  خاطر  بھی  نہ  کھل  پائی زباں
******************