تشنگی  کو  تو  سرابوں  سے  بھی  چھل  سکتے  تھے 
اک  عنایت  سے  میرے  خواب  بہل  سکتے  تھے 
 
تم  نے  چاہا  ہی  نہیں  ورنہ  کبھی  تو  جاناں 
میرے  ٹوٹے  ہوئے  ارمان  بھی  نکل  سکتے  تھے 
 
تم  کو  جانا  تھا  کسی  اور  ہی  جانب , مانا 
دو  قدم  پھر  بھی  میرے  ساتھ  تو  چل  سکتے  تھے 
 
کاوشوں  میں  ہی  کہیں  کوئی  کمی  تھی , ورنہ 
یہ  ارادے  میری  قسمت  بھی  بدل  سکتے  تھے 
 
راس  آ  جاتا  اگر  ہم  کو  انا  کا  سودا 
خواب  آنکھوں  کے  حقیقت  میں  بھی  ڈھل  سکتے  تھے 
 
ہم  کو  اپنی  جو  انا  کا  نہ  سہارا  ملتا 
لڑکھراۓ   تھے  قدم  یوں , کے  پھسل  سکتے  تھے 
 
اس  قدر  سرد  نہ  ہوتی  جو  اگر  دل  کی  فضا 
آرزو ؤں  کے  یہ  اشجار  بھی  پھل  سکتے  تھے 
 
یہ  تو  اچھا  ہی  ہوا , بجھ  گئی  احساس  کی  آگ 
ورنہ  آنکھوں  میں  سجے  خواب  بھی  جل  سکتے  تھے 
 
ہار  بیٹھے  تھے  تمہیں  حوصلہ  اک  لغزش  میں 
ہم  تو  'ممتاز ' پھسل  کر  بھی  سمبھل  سکتے  تھے 
*************************