ZAKHM KUREDA KARTE HAIN HAM BHI KITNE PAAGAL HAIN
GHAM KO ZINDA RAKHTE HAIN HAM BHI KITNE PAAGAL HAIN
 
DIL KE HAR IK GOSHE KO ROSHAN YUN KAR RAKHA HAI
SAAYON SE AB DARTE HAIN HAM BHI KITNE PAAGAL HAIN 
 
JAANE WAALE LAMHON KO AB BHI DHOONDA KARTE HAIN
UMMEEDON PAR JEETE HAIN HAM BHI KITNE PAAGAL HAIN
 
DIL KI AAH O ZAARI KO DAFNAA KAR KHUD HANSTE HAIN
SACH SE BHAAGA KARTE HAIN HAM BHI  PAAGAL HAIN
 
HAAL KI CHAADAR PAR PHAILI BARF SE KHELA KARTE HAIN
ANDAR ANDAR JALTE HAIN HAM BHI KITNE PAAGAL HAIN
 
EK SUNEHRA KHWAAB THA JO JAANE KAB KA TOOT GAYA
AB BHI US PARMARTE HAIN HAM BHI KITNE PAAGAL HAIN
 
US BECHAIN SAFAR KI WO RAAHEN KITNI SAAHIR HAIN
HAR IK MOD PE RUKTE HAIN HAM BHI KITNE PAAGAL HAIN
 
BECHAINI KI PARTON MEN WAQT ATAK JAB JAATA HAI
LAMHAA LAMHAA GINTE HAIN HAM BHI KITNE PAAGAL HAIN
 
ULJHE RISHTON KE DHAAGE AISE BHI SULJHAATE HAIN
KHUD SE BAATEN KARTE HAIN HAM BHI KITNE PAAGAL HAIN
 
HANSNE KI HAR KOSHISH MEN AANKHEN NAM HO JAATI HAIN 
KHUD KO DHOKA DETE HAIN HAM BHI KITNE PAAGAL HAIN
 
SADIYON SE 'MUMTAZ' YAHI MEHROOMI KA SHEVAA HAI
DARD MEN RAAHAT PAATE HAIN HAM BHI KITNE PAAGAL HAIN
*************************