* GAEY LAMHON KO PAANA CHAAHTI HOON *
GAEY LAMHON KO PAANA CHAAHTI HOON
TUMHEN TUM SE CHURAANA CHAAHTI HOON
ZARA YAADO MUJHE TANHA BHI CHHODO
MAIN DO PAL MUSKRAANA CHAAHTI HOON
YE GARDISH HI NIBHA PAAI NA MUJH SE
MAIN IS SE BHI NIBHAANA CHAAHTI HOON
YE DAULAT ZINDAGI KI RAAYGAA.N HAI
MAIN AB IS KO LUTAANA CHAAHTI HOON
TARAASHE JAATI HAI QISMAT MUJHE AUR
MAIN WO PAIKAR PURAANA CHAAHTI HOON
BASA HAI KAABA E DIL MEN JO AB BHI
WO BUT MAIN AB GIRAANA CHAAHTI HOON
ZARA KUCHH KHWAAB TO TAAMIR KAR LOON
MAIN IK BASTI BASAANA CHAAHTI HOON
GHADI BHAR KI BHI RAAHAT KE LIYE MAIN
HAR IK QEEMAT CHUKAANA CHAAHTI HOON
HOON WAAQIF TO SABHI CHAALON SE LEKIN
MAIN TUM SE MAAT KHAANA CHAAHTI HOON
MITAATI HAI MUJHE QISMAT KI REKHA
AUR IS KO MAIN MITAANA CHAAHTI HOON
JO BIKHRI HAI ABHI 'MUMTAZ' HAR SOO
USE MAHWAR PE LAANA CHAAHTI HOON
******************** |