|
* AA GAYA AB RAAS MUJH KO RAAH KA HAR PECH O KHAM *
AA GAYA AB RAAS MUJH KO RAAH KA HAR PECH O KHAM
LE CHALE HAIN SAATH MUJH KO WAQT KE YE ZER O BAM
PET MEN ROTI HO TO INSAAn RAHE SAABIT QADAM
DOL HI JATA HAI EEMAAn JAL RAHA HO JAB SHIKAM
PADH HI LETI HOON MAIN US KE ZEHN KI IK IK SATAR
WASTE IS KE NAHIN DARKAAR DIL KO JAAM E JAM
IMTIYAAZ E BAATIL O HAQ HAI KHIRAD WAALON KA KAAM
HAM SE DEEWAANE KE AAGE KYA SHIWAALA KYA HARAM
HAR TARAF AATISH SIYAAHI KHOON NAFRAT SAAZISHEN
KIS SIYAAHI SE KIYA HAI YE WARAQ TU NE RAQAM
KYUN YE DIL DHADKE, RAGON MEN KHOON KYUN GARDISH KARE
ZINDAGI KARNE KO HO KOI TO HASRAT KAM SE KAM
ZINDAGI KE ZAKHM KO US NE KUREDA AAJ PHIR
PHIR UTHA IK DARD DIL MEN, HO GAI PHIR AANKH NAM
HASRATON KE KHOON KA LENA THA US SE INTEQAAM
YUN TABEEAT SE KIYA BARBAAD KHUD KO DAM BA DAM
HAI YAHI 'MUMTAZ' SARMAAYA HAMAARA AAKHIRASH
EK DIL, IK AARZOO, IK FIKR, IK BAAGHI QALAM
**********************8 |
|