SEENA E SHOLA FISHAAn PAA BA SHARAR HO TO KAHO
"GARMI E ZAUQ E AMAL KYA HAI SAFAR HO TO KAHO"
 
MAANTI HOON KE ZAMAANE KI KHABAR HAI TUM KO
KHAAK UDAATE HUE LAMHON KI KHABAR HO TO KAHO
 
MERE MOHSIN HO TO PHIR SAR KO HATHELI PE RAKHO
JANG MEN AAE TO HO, SEENA SIPAR HO TO KAHO
 
SUB'H TO HO BHI CHUKI HAI PA SHOAAEN HAIN KAHAN
IS SAHER MEN BHI DARAKHSHAAn MEHER HO TO KAHO
 
SAATH CHALNE KO CHALO SOCH LO LEKIN DIL MEN
KOI ANDESHA, KOI SHAK, KOI DAR HO TO KAHO
 
PHOOT TE PAANV KE CHHALON SE GILAA KYA KARNA
TAOTI RAAHON MEN KOI BHI JO SHAJAR HO TO KAHO
 
DARD E DIL RAKHNE KA DAAVA TO BAJAA HAI LEKIN
SEENA ZAKHMEE HO BADAN KHOON MEN TAR HO TO KAHO
 
JAANE IS RAAH MEN 'MUMTAZ' KAHAN KYA HOGA
MAUT SE AANKH MILAANE KA HUNAR HO TO KAHO
*****************