* HAI EK SA SAB KA LAHOO PHIR KYA HAI YE MERA TERA *
HAI EK SA SAB KA LAHOO PHIR KYA HAI YE MERA TERA
HINDU TERE MUSLIM TERE KAASHI TERI KAABA TERA
BAITHE HUE HAIN AAJ TAK TU NE JAHAN CHHODA HAMEN
HAM PAR RAHE ILZAAM KYUN, RASTA NAHIN DEKHA TERA
JEENE KA FUN MARNE KI KHOO SAU HASRATEN TOOTI HUIN
KYA KYA HAMEN TU NE DIYA EHSAAN HAI KYA KYA TERA
PHIR IMTEHAA.N KA WAQT HAI SAAIL HAI TU DAR PAR MERE
ULFAT KA PHIR RAKH LOON BHARAM, LAA TOD DOON KAASA TERA
YE RABT BHI AKSAR RAHA TERE MERE JAZBAAT MEN
AANKHEN NAHIN BHIGIN MERI, DAAMAN NAHIN SOOKHA TERA
JALTI HUI BAAD E SABA BHEEGI HUIN PARCHHAAIYAA.N
AYE SUBH E GHAM KUCHH TO BATA KYUN RANG HAI KAALA TERA
SHOLA SA IK LAPKA THA KAL SHAB KI SIYAAHI MEN KAHIN
"KUCHH NE KAHA YE CHAAND HAI KUCHH NE KAHA CHEHRA TERA"
TANHA RAHE 'MUMTAZ' KAB HAM ZINDAGI KI RAAH MEN
AB TAK MERE HAMRAAH HAI TERI MAHEK SAAYA TERA
*************** |