* DASHT O SEHRA O SAMANDAR SABHI GHAR LE AAE *
DASHT O SEHRA O SAMANDAR SABHI GHAR LE AAE
AB KE HAM BAANDH KE QADMON MEN SAFAR LE AAE
DAR KE TUGHYAANI SE THEHRE HAIN JO KEH DO UN SE
HAM SAMANDAR MEN JO UTRE TO GOHAR LE AAE
KAB TAHI DAST HAM AAE HAIN TERI MEHFIL SE
ZAKHM LE AAE KABHI KHOON E JIGAR LE AAE
HO RAHI THI ABHI PARWAAZ BALANDI KI TARAF
LOG KHAATIR KE LIYE TEER O TABAR LE AAE
KOI DAAVA NA IRAADA NA TAMANNA NA HUNAR
HAM MEN WO BAAT KAHAN HAI KE ASAR LE AAE
DHAJJIYAN UDTI RAHIN GO MERE BAAL O PAR KI
HAM NE PARWAAZ JO KI SHAMS O QAMAR LE AAE
HAI YAHAN KITNI TAJALLI KE NAZAR QAASIR HAI
MERE JAZBAAT MUJHE AAJ KIDHAR LE AAE
DEKHNE BHI NA DIYA JIS NE USE JAATE HUE
HAM KE HAMRAAH WAHI DEEDA E TAR LE AAE
AB HAR IK SIMT YAHAN KHOON KI BAARISH HOGI"
"US NE BIE THE JO KHANJAR WO SAMAR LE AAE
TEERGI RUK SI GAI THI MERI RAAHON MEN MAGAR
HAM ANDHERON SE BHI 'MUMTAZ' SAHER LE AAE
*******************8888 |