CHALAN ZAMAANE KE AYE YAAR IKHTIYAAR NA KAR
KHUSHI KE SAATH MERI WAHSHATEN SHUMAAR NA KAR
 
TERI HAYAAT KA GUZRA WO EK LAMHAA HAI
WO AB NA AAEGA AB US KA INTZAAR NA KAR
 
TIJAARATON MEN DILON KI SUNA NAHIN KARTE
DILON KI BAAT PE ITNA BHI AETEBAAR NA KAR
 
HUA TAMAAM WO QISSA KE BAAT KHATM HUI
ZARA SI BAAT PE AANKHON KO ASHKBAAR NA KAR
 
MILEGI KOI NA QEEMAT MACHALTE JAZBON KI
TU APNI ROOH KE ZAKHMON KA KAAROBAAR NA KAR
 
NA KUCHH MILEGA TUJHE AUR NADAAMAT KE SIWA
SAWAAL KAR KE TA'ALLUQ KO SHARMSAAR NA KAR
 
HISAAR E ZAAT KO AB ITNA BHI MEHDOOD NA KAR
YE BHOOL JAAN KE 'MUMTAZ' BAAR BAAR NA KAR
******************