SHAB KA IK EK PAL PIGHALTA HAI
JAB BHI SOORAJ NAYA NIKALTA HAI
 
JAB BHI MAAZI KA JAAIZA LIJE
ZEHN KA KONA KONA JALTA HAI
 
MILNA EHBAAB SE TO DOOR, AB TO
ZIKR BHI DOSTON KA KHALTA HAI
 
AB KAREN KYA HAYAAT KI SOORAT
IK ZEHN MEN SAWAAL UBALTA HAI
 
WO MAQAAM AA GAYA JAHAN SE AB
APNA HAR RAASTA BADALTA HAI
 
HAR KHUSHI, HAR TAMANNA, HAR JAZBA
DIL KO SOORAT BADAL KE CHHALTA HAI
 
IK SHAMA'A HI NAHIN AB IS GHAR MEN
RAAT BHAR DIL BHI SAATH JALTA HAI
 
BAARHAA TOOT KAR BHI DIL WO HAI
PHIR DHADAKTA HAI, PHIR MACHALTA HAI
 
KOI EHSAAS NA ARMAA'N NA UMMEED
AAJ KAL DIL ME'N DARD PALTA HAI
 
TAPTA SEHRA HAI ZINDAGI "MUMTAZ"
APNA SAYAA BHI AB TO JALTA HAI
*********************