MOHABBATON KE RAAZ SE YE DIL JO AASHKAAR HAI

ABHI TALAK AYE JAANE JAA.N TERA HI INTZAAR HAI
 
HAI KARB MAANA BEKARAA.N HAYAT BEQARAAR HAI
 
IS EK BEQARAARI MEN QARAAR HI QARAAR HAI
 
IDHAR BHI EK SHOLA SA DEHEK RAHA HAI ZAAT MEN
 
UDHAR BHI RAAKH MEN ABHI DABAA WAHI SHARAAR HAI
 
KHINCHE KHINCHE SE WO BHI HAIN KHINCHE KHINCHE SE HAM BHI HAIN
 
ZARA JHUKE NA SAR KAHIN ANAA KA YE WAQAAR HAI
 
YE BEKHUDI AJEEB HAI NASHA BAHOT SHADEED HAI
 
ABHI MERE WAJOOD PE KHUMAAR KA HISAAR HAI
 
TAQAAZA WAQT KA YE HAI KE MASLEHAT SE KAAM LEN
 
BIKHER DEGI ZAAT KO DILON MEN JO DARAAR HAI
 
YE ISHQ KIS JEGAH PE AAJ LE KE HAM KO AA GAYA
 
YAHAN HAR EK RAAH MEN GHUBAAR HI GHUBAAR HAI
 
CHHUPA HUA HO JAAANE KYA SIYAAHIYON MEN RAAT KI
 
HAMEN BHI 'NAZA.N' FIKR HAI ADOO BHI HOSHIYAAR HAI
***********************