Bechain bahut phirna ghabraye hue rahna, 
Ik aag si jazbo'n ki bahkaye hue rahna,

Chhalkaye hue chalna Khushbuu-e-begani ki, 
Ik baGh sa tha apna mahkaye hue rahna,

Is husn ka sheva hai, jab ishq nazar aaye, 
Parde mei'n chale jana, sharmaye hue rahna,

Ik sham si kar rakhna kajal ke karishme se, 
Ik chand sa aankho'n mei'n chamkaye hue rahna,

Aadat hi bana li hai tum ne to "Munir" apni, 
Jis shahar mei'n bhi rahna uktaye hue rahna.