|
* Woh aik shakhs ke tha shahar bhar me’n jaane shahar *
Woh aik shakhs ke tha shahar bhar me’n jaane shahar,
Use talashte phirte hai’n saknaane shahar,
Woh jaa raha hai jo khursheed orh kar nikla,
Kataye ungliya’n baithi hai sab zanaan shahar,
Woh khwaab saa jise khud se chhupa ke dekhte they,
Us aik khwaab ke charche hai’n barzabaane shahar,
Sada dabaye hue sirf aik roti ki,
Guzar gaya koi chup chaap darmiyane shahar,
Jo shahar shahar tha woh ab hai shahre ruswayee,
Yaha’n pe dasto garibaa’n hai’n paasbane shahar,
Dua karo ke sabhi khairiat se laut aaye’n,
Ajeeb khauf ke aalam me’n hai azaane shahar,
Ham unse sirf mokhatib hue they per “Murshid”,
Mobarzat pe hai’n us waqt se sagaane shahar.
|
|