|
* HUKUM DETE HUE DEEWAR MEI'N CHUNWAAYEE KA *
HUKUM DETE HUE DEEWAR MEI'N CHUNWAAYEE KA,
AIK MAUQA TO MUJHE DIJIYE SHUNWAAYEE KA,
ZINDAGI DI HAI MUJHE SANG MALAAMAT KE LIYE,
SHUKRIYA AAPKI IS DARJA PAZEERAYEE KA,
YAAD KARTA HOO'N TO AB APNI ANA KE HAATHO'N,
CHAAK HOTA HAI GARIIBAAN MERI TANHAAYEE KA,
YO'N GHIRE HAI'N KE TALAATUM SE NIKALNE KE LIYE,
WAQT KARTA HAI TAQAAZA KISI DANAYEE KA,
LOG DIN RAAT YEHI SONCH RAHE HAI'N "MURSHID",
KOI TO TORH BATAYE UNHE'N MAHGAYEE KA. |
|