MERI TAAREEKH HAI US KO UTHAYO TAAQ ME'N RAKH DO,
MERE ASLAAF KO DEEMAK ZADAH AURAAQ ME'N RAKH DO,
KISI MAUHOOM PASE MANZAR SE IK MANZAR UBHARNE DO,
JO TUM CHAAHO TO US MANZAR KO PHIR AAFAQ ME'N RAKH DO,
IRAADO'N KI THAKAN KA AUR SHIKAST DEED KA MALBA,
PASHEMAANI BANAKAR DEEDAE NAMNAAK ME'N RAKH DO,
TAKHAIYAL SE SAJA ALFAAZ KA MALBOOS PAHNAAYU'N,
KABHI APNA SARAAPA ARSAE IDRAAK ME'N RAKH DO,
SULAG UTHENGE PHIR SE SHOLAE RAAZ NEHAA'N BANKAR,
HAMARI RAAKH HI "MURSHID" KHASO KHASHAAK ME'N RAKH DO.