غزل

نہ اور حوصلۂ صبر و بردباری دے
ستم نصیبوں کی توفیقِ ضرب کاری دے
بدل چکا ہے زمانہ کی سازشوں کا چلن
مرے جنوں کو بھی اب طرزِ ہوشیاری دے
ٹھٹھرتی روحوں کی کب سے ہے منجمد آواز
زبانِ خاصہ کو اب حکمِ شعلہ باری دے
ہمارے شوق کی منزل ابھی نہیں آئی
ہمارے دل کو ابھی اور بے قراری دے
مرے شعور کو محوِ غرور ہونا تھا!
مرے غرور کو تھوڑی سی خاکساری دے

مصطفیٰ اکبر

31, Bright Street
Kolkata-700017
Mob: 9432490864
بشکریہ ’’میر بھی ہم بھی‘‘	مرتب: مشتاق دربھنگوی
………………………