غزل

حق پرستی کا جنوں کچھ مجھ پہ یوں طاری ہوا
آج اپنے دوش پر اپنا ہی سر بھاری ہوا
آبلہ پا زیست کی حرماں نصیبی کچھ نہ پوچھ
اک مسافت طے ہوئی تو اک سفر جاری ہوا
کیسے سلجھے نکتۂ غم ، کیا کھلے راہِ نجات
فلسفہ کنجِ انا میں ، شعر درباری ہوا
گردشِ پیہم سے لرزاں تیرے بندوں کا نصیب
جب زمیں ہلکی ہوئی تو آسماں بھاری ہوا
نظم کے صحرا سے جب تیری زمیں پر آگئے
اے غزل ہم کو بھی کیا کیا شوقِ گلکاری ہوا

مصطفیٰ اکبر

31, Bright Street
Kolkata-700017
Mob: 9432490864
بشکریہ ’’میر بھی ہم بھی‘‘	مرتب: مشتاق دربھنگوی
………………………